Gode deg

Hei alle sammen. No er det ganske lenge sidan eg har blogga her. Det har skjedd så utruleg mykje dei siste dagane. Den siste veka har dagane gått i latter, seine kveldar, malakoff, og mange tårer. Søvnen har blitt nedprioritert, og dagane har sklidd inn i kvarandre slik at eg slit med å skilje dei frå kvarandre. Eg skriv eit innlegg no fordi at i natt, så forhindrar alle tankane meg i å sove. Eg slit litt med å få sove til vanleg, men i kveld rasar ord og bilete rundt i hovudet mitt som aldri før. Ord, berre fattige ord, kva verdi har dei eigentleg? Dei kan høyast verdilause ut, men samstundes er det så godt å få snakka. Å fortelje korleis ein har det, korleis ein opplever situasjonen, og få hjelp til å føle seg betre. Vi treng ord for å uttrykkje oss, men ofte er det like godt å ha ei skulder å gråte på. Somme gonger er det kun det som trengs.

I hovudet mitt surrar det så mykje at eg er nøydd å få det ut ein stad. Dette er plattforma eg vel å dele det på.

Eg hugsar då vi var små, og eg var på besøk hos deg. Mora di laga pannekaker til oss, og så las ho ei bok om eit grønt monster. Eg trur du vart sint, eller redd. Du sprang i alle fall opp på rommet dit og grein. Eg hugsar også bursdagsfesten din på barneskulen då du inviterte heile klassa. Det var så kjekt. Då var vi alle samla, slik vi var samla på mandag. Det såg ut som at du hadde det veldig kjekt i helga og på mandag, og eg er så takknemleg for at du fekk ei fin avlsutning, og at vi fekk vere ein del av den.

Tomhet. Eg veit ikkje kva eg skal seie. Det er vanskeleg å forstå og innsjå at det som har skjedd, faktisk er verkeleg. Men det er realiteten, og vi er nøydde til å godta det, og halde fram. Alle saman tenkjer på deg, og vi hugsar deg som den artige guten med dei teite kommentarane og eit konstant smil om munnen. Ein må mimrast om det som har vore, og ta med seg dei gode minnene vidare. Når eg tenkjer over det, så har eg kun gode minner om deg. Gode deg.

Sov godt <3





 

Én kommentar

28.07.2016 kl.08:22

Fine ord Dagny 💓💓💓

Skriv en ny kommentar


bilde bilde bilde bilde
- FØLG MEG -



- DAGNY SUNDE - 1998 -

Trening, sosialisering, piano, fotografering

Kontakt:
dagny_selma@hotmail.com

Legg gjerne igjen ein kommentar, så tar eg ein tur innom din blogg!



LEGG MEG TIL SOM VENN!

























hits